तुझ्या आनंदात भिजतो आहे....

सूर्याकडे एक निरोप दिला तुला देण्यासाठी अणि जरा विसावलो
तर चंद्र धावत आला तुझाच निरोप घेऊन ,
किनारयावरचं वारं थांबवलं म्हटलं तुझी चौकशी करावी
तर पायाखालच्या लाटांनी नाचत फेसाळत तुझीच खुषाली सांगितली, 
आत्ता पावसाकडे बघतो आहे,
तर त्यानिही बघितलं माझ्याकडे आणि ओळखिचं हसला,
" तुझ्यासारखं बरसणारं कोणी दिसलं तर सांग- 'मी आनंदात आहे' "
एवढाच तुझा निरोप त्यानी दिला ,
आणि माझं बरसणं सोबत घेऊन तो निघूनही गेला...
आता मी हसतो आहे माझं बरसणं सरलं ,
आता तुझ्या आनंदात भिजतो आहे.........